काठमाडौँ । नेकपा (माओवादी केन्द्र)को भ्रातृ संगठन अखिल (क्रान्तिकारी)को २३औँ राष्ट्रिय सम्मेलनको बन्द सत्र फेरि स्थगित भएको छ ।
सो संगठनले आज सूचना जारी गर्दै आज गर्ने भनिएको बन्द सत्र स्थगित भएको जनाएको हो । बन्द सत्र भोलि (बिहीबार)का लागि तोकिएको छ ।
गत बिहिबारदेखि शुरु भएको २३औँ राष्ट्रिय सम्मेलन उमेर हदको विषयमा विवाद भएपछि बन्द सत्र हलमै तोडफोडसमेत भएको छ ।
सोमबार पनि सम्मेलनमा कुर्सी हानाहान भएको थियो । सम्मेलन स्थलमै प्रतिनिधिहरूले कुर्सी हानाहान गरेपछि प्रहरीलाई भीड नियन्त्रण गर्न कठिन भएको थियो ।
