काठमाडौं । दसैंका लागि गत शनिबारदेखि खुलाइएको सार्वजनिक यातायातको अग्रिम टिकट बुकिङ स्थगित भएको छ । यातायात व्यवसायीले टिकट बुकिङ स्थगित गरेका हुन् ।
यातायात व्यवसायी राष्ट्रिय महासंघका वरिष्ठ उपाध्यक्ष सरोज सिटौलाले बाढी, पहिरो र डुवानका कारण धेरै ठाउँमा राजमार्गहरु अबरुद्ध भएकाले अग्रिम टिकट बुकिङ स्थगित गरिएको जानकारी दिनुभएको छ ।
अहिले पनि कयौं राजमार्ग अबरुद्ध छन् । केही राजमार्ग एकतर्फी सञ्चालनमा छन् । भोलि र पर्सी पनि विभिन्न ठाउँमा पानी पर्ने मौसम पूर्वानुमान महाशाखाले अनुमान गरेको छ ।
सडकको अवस्था सहज भएपछि पुन: टिकट बुकिङ खुला गर्ने तयारी यातायात व्यवसायीको छ ।
