काठमाडौँ । सप्तकोशीमा बाँध निर्माण भएयता दोस्रो ठूलो बाढी मापन गरिएको छ ।
सन् १९६२ मा निर्माण सम्पन्न भएको कोशी ब्यारेजमा सन् १९६८ (२०२५ साल)मा अत्याधिक बाढी मापन भएको थियो ।
त्यसयता आइतबार बिहान अत्याधिक बाढीको बहाव मापन भएको थियो । आइतबार बिहानपछि भने पानीको मात्रा घट्न थालेको छ ।
आइतबार बिहान कोशी ब्यारेजमा पानीको बहाव ६ लाख ६१ हजार ०५ क्युसेक मापन भएको थियो ।
सन् १९६८ अक्टोबर ५ (२०२५ असोज २० गते) कोशीमा ७ लाख ८८ हजार २०० क्युसेक बहाव मापन भएको रेकर्ड थियो ।
जोखिम कायमै रहेका कारण ब्यारेजका ५६ वटै ढोका खोलिएको छ ।
ब्यारेजको पुलबाट अत्यावश्यक बाहेकका सवारीसाधन र पैदलयात्रीलाई आवतजावतमा रोक लगाइएको छ ।
