एजेन्सी । बलिउड अभिनेता विवेक ओबेरोय अभिनयका साथै व्यवसायिक क्षेत्रमा पनि चिनिन्छन् । उनको रियल स्टेट कम्पनी पनि छ ।
यस्तो अवस्थामा विवेकले एक अन्तर्वार्तामा बताए कि कसरी उनका बुबाले उनको बाल्यकालमा नै एक व्यापारीको मानसिकता उनमा बसाएका थिए । जसको फाइदा आज उनले पाइरहेका छन् ।
विवेक ओबेरोयले इन्टरटेनमेन्ट लाइभलाई दिएको अन्तर्वार्तामा भनेका थिए– ‘म १० वर्षको हुँदा बुबाले मलाई एउटा टास्क दिनुभयो । एक महिनापछि बिदामा जाने उहाँले बताउनुभयो । तर त्यसअघि यी चार हप्तामा उनले केही सिक्नुपर्नेछ । मेरो बुवाले मलाई बेच्नका लागि पर्फ्युम दिनुभयो र एउटा डायरी पनि दिनुभयो । म हरेक दिन साइकलमा घर–घर गएर पर्फ्युम बेच्ने गर्थेँ । त्यो समयमा मैले धेरै गल्ती गरे तर धेरै सिकें ।’
विवेक ओबेरोयले सन् २००२ मा फिल्म ‘कम्पनी’ बाट डेब्यु गरेका थिए । यसपछि उनले ‘मस्ती’, ‘ग्रान्ड मस्ती’, ‘शूटआउट एट लोखंडवाला’ जस्ता धेरै फिल्ममा पनि काम गरे । उनको व्यक्तिगत जीवन विशेषगरी ऐश्वर्या राय बच्चनसँगको अफेयर र सलमान खानसँगको विवादले चर्चामा रह्यो । २०१० मा, विवेकले कर्नाटकका पूर्व मन्त्री जीवराज अल्वाकी छोरी प्रियंका अल्वासँग विवाह गरे ।
