काठमाडौं । नेपाली कांग्रेसको १६ जिल्लाको अधिवेशन स्थगित भएको छ ।
कोभिड १९ को कारण कांग्रेसले माघ १५ गते हुने तय भएका जिल्ला अधिवेशन अर्को सूचना जारी नभएसम्मका लागि स्थगित गरेको हो ।
‘कोभिड १९ को संक्रमणको जोखिम न्यूनिकरण तथा आम जनजीवन सामान्य बन्दै गएपछि स्थगन गरिएका उल्लेखित १६ जिल्लाको जिल्ला कार्यसमितिको निर्वाचन तत्काल गरिनेछ’, निर्वाचन समितिको विज्ञप्तीमा भनिएको छ ।
पर्सा, सिन्धुली, मकवानपुर, सिन्धुपाल्चोक, चितवन, सप्तरी, सिरहा, धनुषा, महोत्तरी, सर्लाही, रौतहट, नवलपुर, बाँके, कैलाली, अछाम र बाराको जिल्ला अधिवेशन हुन बाँकी छ ।
