काठमाडौ । नेकपा ओली समूहका पुग्नु भएका नेता एवं गृहमन्त्री रामबहादुर थापा 'बादल' आफूहरुतिर आउने आशा नेकपा दाहाल–नेपाल समूहका नेता पुष्पकमल दाहालले गर्नुभएको छ ।
उहाँहरु निकट केन्द्रीय समितिको बैठकका निर्णयहरुबारे जानकारी दिन आयोजित पत्रकार सम्मेलनमा सञ्चारकर्मीहरुले दाहाललाई सोधेका थिए –बादललाई त राख्न सक्नु भएन नि? जबाफमा अध्यक्ष दाहालले भन्न्नुभयो- 'झुक्किएर उता पुग्नु भएको होला, उहाँ यता आउनुहुन्छ ।'
बिहीबार मात्र बादल अर्का अध्यक्ष ओली समूहको केन्द्रीय समितिको बैठकमा सहभागी भै प्रचण्डका कारण गणतन्त्र धरापमा परेको भन्दै चर्को आलोचना गर्नुभएको थियो ।
