एजेन्सी । तेलुगु सुपरस्टार अक्किनेनी नागार्जुनले आइतबार आफ्ना एक फ्यानसँग माफी मागेका छन् ।
वास्तवमा, हालै नागार्जुनका एक अंगरक्षकले मुम्बई एयरपोर्टमा फ्यानलाई धक्का दिएका थिए ।
यो घटनाको भिडियो सामाजिक सञ्जालमा भाइरल भएपछि अभिनेताको निकै आलोचना भएको थियो । यसपछि आइतबार नागार्जुनले एक ट्विट गर्दै आफ्ना फ्यानसँग माफी मागेका छन् ।
अभिनेताले ट्विटमार्फत यस्तो घटना दोहोरिन नदिन थप सावधानी अपनाउने वाचा गरेका छन् ।
कामको कुरा गर्दा नागार्जुनको अर्को फिल्म धनुष स्टारर ‘कुबेरा’ हो । उनी पछिल्लो पटक २०२२ मा रिलिज भएको रणवीर–आलिया स्टारर फिल्म ‘ब्रह्मास्त्रः पार्ट १’ मा देखिएका थिए ।
