काठमाडौं । नेपाल र अफ्रिकी राष्ट्र मरिससबीचको मैत्रीपूर्ण खेलमा दर्शकले प्रवेश पाउने भएका छन् ।
अखिल नेपाल फुटबल संघ (एन्फा) ले मंगलबार दर्शकलाई प्रवेश दिइने जनाएको हो ।
सरकारले जारी गरेको स्वास्थ्य प्रोटोकलको पालना गर्दै एक तिहाइ दर्शकलाई मात्र अनुमति दिइने एन्फाले जनाएको छ ।
नेपालले दशरथ रंगशालामा मरिससविरुद्ध दुई मैत्रीपूर्ण खेल खेल्नेछ ।
दुई खेलको मैत्रीपूर्ण जनवरी २९ र फेब्रुअरी १ मा हुनेछ । एन्फाले सामान्यतर्फ ५ सय र भीआईपीतर्फ १ हजारको टिकट तोकेको छ ।
दुबै मैत्रीपूर्ण खेल ४ः४५ बजे सुरु हुनेछ । मरिससको टोली सोमबार नेपाल आईसकेको छ ।
