काठमाडौं । त्रिभुवन अन्तराष्ट्रिय विमानस्थलबाट सुनको लेपन लगाइएको कपडासहित भारतीय नागरिक पक्राउ परेका छन् ।
विमानस्थल प्रहरीले बिहीबार दिउँसो २ बजे भारतीय नागरिक ३९ वर्षीय नविन हरिशलाल गोक्लानीलाई सुनको लेपन लगाइएको कपडासहित पक्राउ गरेको हो ।
दुबईबाट काठमाडौं आएका गोक्लानीलाई आगवमटन गेटमा एक्सरे मेसिनमा स्क्यानिङ गर्दा पाइन्टमा लेपन लगाएर ल्याइएको सुन भेटिएको थियो ।
पाइन्टसहित सुनको तौल १२ सय ग्राम रहेको प्रहरीले जनाएको छ । यस्तै, प्रहरीले ४० ग्रााम बराबरको सुनको सिक्री पनि बरामद गरेको छ ।
पक्राउ परेका गोक्लानीलाई आवश्यक कारबाही तथा अनुसन्धानको लागि विमानस्थलस्थित भन्सार कार्यालय पठाइएको छ ।
