काठमाडौं । प्रसिद्ध संगीतकार शम्भुजीत बास्कोटाको फिल्म ‘टासीदेलेक: अ वे टु हेभन’को फस्टलुक पोस्टर सार्वजनिक भएको छ ।
मोडल तथा कलाकार छिरिङ शेर्पाले विश्वको सर्वोच्च शिखर सगरमाथाको चुचुरोमा पुगी फिल्मको पोस्टर सार्वजनिक गरेकी हुन् ।
छिरिङ ‘टालिदेलक’ अ वे टु हेभन ‘ मा नायीकाका रुपमा अनुबन्धित रहेकी छिन् । पहिलो सगरमाथा आरोही तेञ्जिङ नोर्गे र सर एडमण्ड हिलारीले देखाएको बाटो पच्छाउदै हिमाल आरोहणमा शेर्पा समुदायको गाथालाई चलचित्र मार्फत बिश्वभर पुर्याउन लागिएको चलचित्र निर्माण कम्पनी सौर्य प्रोडक्सनले जनाएको छ ।
सुवर्ण थापाले निर्देशन गर्ने फिल्ममा शम्भुजीत बास्कोटा र सुजन खनालको संगीत तथा पत्रकार समेत रहेका चर्चित ढुंगेलको पटकथा लेखन रहने छ ।
अन्तर्राष्ट्रिय बजारलाई लक्षित गर्दै फिल्म निर्माण गर्न लागिएको बुझिएको छ । फिल्मबारे औपचारिक घोषणा भने हुन बाँकि रहेको छ ।
फिल्ममा ‘नाइँ नभन्नु ल ६’ डेब्यु अभिनेता आशीर्वाद क्षेत्री, लाक्पा देन्डी शेर्पा र छिरिङ शेर्पाले अभिनयगर्ने बताईएको छ ।
