काठमाडौँ । विद्यालय शिक्षा विधेयकको बिरोधमा आज तेस्रो दिन पनि शिक्षकहरुले प्रदर्शन जारी राखेका छन् ।
गत बुधवारबाट शुरु भएको काठमाडौं केन्द्रित आन्दोलन माग पूरा नहुन्जेलसम्म चल्ने शिक्षकहरुले बताएका छन् । शिक्षकहरु आन्दोलनमा उत्रिएसँगै सामुदायिक विद्यालयको पठनपाठन बन्द भएको छ ।
काठमाडौंको माईतीघरमा प्रदर्शनरत शिक्षकहरु सडकमै नाचगान समेत गरिरहेका छन् । उनीहरुको प्रदर्शनका कारण उपत्यकाको यातायात अस्तव्यस्त भएको छ ।
संसदमा दर्ता भएको शिक्षा विधेयकमा शिक्षकहरुले विभिन्न १८ बुँदे असहमति प्रकट गरेका छन् । जसमा सरुवा बढुवा, दरबन्दी, स्थानीय पालिकाअन्तर्गत नबस्नेसहितका माग छन् । उनीहरुले माग पूरा नभईन्जेलसम्म सडकमा उत्रिने अडान लिएका छन् ।
