काठमाडौं । नेपालका लागि अस्ट्रेलियाका राजदूत फेलिसिटी भोल्कले नेपाल र नेपालीलाई अष्ट्रेलियाको शिक्षाले सकारात्मक प्रभाव पारेको बताउनु भएको छ ।
असोसिएसन अफ अष्ट्रेलियन एजुकेशन रिप्रेजेन्टेटिभ्स इन नेपाल (एरी नेपाल) को पाँचौ वार्षिक साधारण सभाका अवसरमा आज आयोजित समारोहमा बोल्नुहुँदै राजदुत भोल्कले नेपालमा दक्ष जनशक्तिको विकास गर्न र नेपालिको जिवनस्तर उकास्न अष्ट्रेलियाको शिक्षाले महत्वपुर्ण भुमिका खेलेको बताउनुभएको हो ।
कार्यक्रममा बोल्नुहुँदै राजदुत भोल्कले नेपाल र अष्ट्रेलियाविच सुमधुर सम्बन्धको प्रभाव नेपाल र नेपालीलाई सकारात्मक रहेको बताउनुहुँदै गुणस्तरिय शिक्षा, सिप र अनुभवको प्रयोगले जिवनस्तर उकास्न मद्यत पुगेको धारणा राख्नुभयो ।
त्यस्तै एरी नेपालका अध्यक्ष महेश बाबु तिमल्सिनाले विश्वस्तरीय अस्ट्रेलियाको शैक्षिक प्रणालीले विद्यार्थीको जीवनस्तरमा ल्याएको परिवर्तनका बारेमा चर्चा गर्नु भएको थियो ।
कार्यक्रममा एरी नेपालका संस्थापक अध्यक्ष द्विराज शर्माले नेपाल र नेपालीको सिप,दक्षता र क्षमता बढाउन अष्ट्रेलियाको शैक्षिक प्रणालीले महत्वपुर्ण भुमिका निर्वाह गरेको बताउनुभयो ।
त्यस्तै अष्ट्रेलियाको शैक्षिक प्रणाली र यसले नेपाली अर्थतन्त्रमा परेको प्रभावका बारेमा बोल्दै पूर्व बैंकर अनिल केशरी शाहले बिश्वब्यापी शिक्षा र यसको विद्यार्थीहरूको ब्यक्तित्व बिकासमा सकारात्मक प्रभाव पारेको धारणा राख्नुभयो ।
सम्मेलनमा विद्यार्थीहरूको उच्च शिक्षाका लागि मार्गनिर्देशन र अष्ट्रेलियाली शिक्षाले नेपालको अर्थतन्त्रमा पारेको प्रभावका बारेमा छलफलसमेत गरीएको थियो ।
