काठमाडौँ । सत्तारुढ दलहरुबीच बजेट पास गरेर गठबन्धनमा देखिएको विमतिलाई अन्त्य गरेर अघि बढ्ने सहमति भएको छ।
प्रधानमन्त्री निवास बालुवाटारमा मङ्गलबार बिहान बसेको बैठकमा दलहरुबीच देखिएको असन्तुष्टिलाई समाधान गर्ने सहमति बनेको हो।
जसपा नेता राजेन्द्र श्रेष्ठका अनुसार बैठकमा बजेटसहित अहिले पछिल्ला समसामयिक राजनीतिक गतिविधिबारे छलफल भएको र सबै दलका नेताहरु गठबन्धनमा देखिएको समस्या समाधान गर्ने पक्षमा रहेका छन् ।
बैठकमा बजेटमा नेकपा (एकीकृत समाजवादी) अध्यक्ष माधव नेपालसहितका नेताहरूले राखेको असन्तुष्टिलाई पनि प्रधानमन्त्रीले सम्बोधन गर्ने बताइएको छ।
बजेट पास गरेर असन्तुष्टिका विषयलाई सम्बोधन गरेर जाने कुरा भएको उहाँले बताउनुभयो । बैठकमा एकीकृत समाजवादीका नेताहरुले पनि आफ्नो कुरा राखेको र प्रधानमन्त्री एकीकृत समाजवादीले सरकारले बजेट संशोधन नगरे सरकार ढाल्नेसम्मको चेतावनी दिएको दिँदै आएको थियो । अध्यक्ष नेपालको चेतावनीपछि सोमबार पनि प्रधानमन्त्रीले बालुवाटारमा बोलाएर छलफल गर्नुभएको थियो ।
