काठमाडौं: नेपालका लागि नवनियुक्त पाकिस्तानी र दक्षिण कोरियाली राजदूतहरुले राष्ट्रपति रामचन्द्र पौडेल समक्ष ओहदाको प्रमाणपत्र बुझाएका छन् ।
राष्ट्रपति कार्यालय शीतल निवासमा आयोजित विशेष समारोहमा नेपालका लागि नवनियुक्त पाकिस्तानी राजदूत अबरार हुसैन हाश्मी र दक्षिण कोरियाली राजदूत पार्क तइयोङले राष्ट्रपति समक्ष ओहोदाको प्रमाणपत्र पेश गर्नु भएको राष्ट्रपति कार्यालयले जनाएको छ ।
त्यस अवसरमा परराष्ट्रमन्त्री एनपी साउद लगायतका विशिष्ट पदाधिकारीको पनि उपस्थिति रहेको थियो ।
