एजेन्सी । विहारमा भत्कँदै गरेको पुलको भिडियो भाइरल बनेका छ । तर उक्त पुल योजना अनुसार नै भत्काइएको बिहारका डेपुटी चिफ मिनिस्टर तेजस्वी यादवले बताएका छन् । गंगा नदीमाथि निर्माणाधीन पुलमा गम्भीर त्रुटी भेटिए पछि योजना अनुसार नै भत्काइएको उनको दाबी छ ।
न्यूज एजेनसी पीटीआईका अनुसार खागारिया र भागलपुर जोड्ने निर्माणाधीन पुल भत्काइएको भिडियो भाइरल बनेपछि विपक्षी भारतीय जनता पार्टीले कडा विरोध गरेको छ । पुल भत्किएका कारण कुनै पनि मानवीय क्षति भने भएको छैन ।
पत्रकार सम्मेलनमा तेजस्वी यादव, सडक निर्माण विभागका मुख्यसचिव प्रत्याय अमृतले सन् २०२२ मा हावाहुरी आउँदा सोही पुलको केही भाग भत्किएपछि गरिएको जाँचमा पुलको डिजाइनमा समस्या देखिएको थियो ।
डिजाइनमा त्रुटी देखिएपछि जोखिम नलिने भन्ने निर्णयका आधारमा पुल भत्काइएको दाबी गरिएको छ ।
