एजेन्सी । इन्डियन प्रिमियर लिग (आईपीएल) को ५६ औं खेल कोलकाता नाइट राइडर्स र राजस्थान रोयल्स बीच खेलिएको थियो । बिहीबार कोलकाताको इडेन गार्डेनमा भएको खेलमा राजस्थान रोयल्सले कोलकाता नाइट राइडर्सलाई ९ विकेटले पराजित गरेको थियो ।
ओपनर यशस्वी जैसवालको तीव्र ब्याटिङको आधारमा राजस्थानले १४ ओभर सकिनुअघि नै खेल जितेको थियो । यस खेलमा राजस्थान रोयल्सको जितको नायक यशस्वी जैसवाल बने ।
यस खेलमा यशस्वी जैसवालले आईपीएलको सबैभन्दा छिटो अर्धशतक बनाउँदै कीर्तिमान राखे । यशस्वीले १३ बलमा अर्धशतक पूरा गरे । यस खेलमा यशस्वी जैसवालले शतक पूरा गर्न नसकेपनि कप्तान सञ्जु सामसनले यशस्वीलाई शतक पूरा गराउन सक्दो प्रयास गरे । सञ्जुले शतक पूरा गर्न यशस्वी जैसवाललाई विशेष इशारा गरेका थिए ।
यो खेलमा राजस्थानलाई जितका लागि १५० रन आवश्यक थियो । पहिलो ओभरदेखि नै यशस्वी जैसवालले जसरी ब्याटिङ गरिरहेका थिए, त्यसबाट उनले शतक पूरा गर्नेछन् भन्ने लाग्थ्यो तर त्यसो भएन । राजस्थानले १२ ओभरको अन्त्यमा १४० रन बनाएको थियो भने यशस्वी जैसवाल ८९ रनमा खेल्दै थिए । कोलकाताका लागि सुयश शर्मा यसपछि अर्को ओभर बलिङ गर्न आए ।
आफ्नो ओभरको अन्तिम बलमा सञ्जु सामसन स्ट्राइकमा थिए । सुयश शर्माले अन्तिम बल लेग साइडमा राख्ने प्रयास गरे तर त्यसमा उनी सफल हुन सकेनन् र बल वाइडतर्फ गइरहेको थियो तर सञ्जुले रोके जसले गर्दा यशस्वी जैसवालले शतक पूरा गर्न सकुन् ।
त्यसपछि अर्को ओभरमा स्ट्राइक यशस्वी जैसवालको हातमा आयो । सञ्जु सामसनले नन स्ट्राइकर एन्डमा यशस्वी जैसवाललाई छक्का प्रहार गर्दै शतक पूरा गर्न संकेत गरे । तर, यशस्वीले छक्का प्रहार गरेनन् र चौका प्रहार गरी आफ्नो टोलीलाई जित दिलाए । यस खेलमा यशस्वी जसवाल ९८ रन बनाएर अविजित रहे ।
यो पनिः कुनै फिल्मी कथा भन्दा फरक छैन पानीपुरी बेच्ने यशस्वीको आईपीएल यात्रा
