एजेन्सी । म्यान्चेस्टर युनाइटेड एफए कपको फाइनलमा प्रवेश गरेको छ ।
गएराति भएको सेमिफाइनल खेलमा ब्राइटनलाई पेनाल्टीमा हराउँदै युनाइटेडले फाइनलमा स्थान बनाएको हो ।
निर्धारित ९० मिनेट र त्यसपछिको अतिरिक्त समयमा पनि दुबै टिमबाट गोल हुन नसक्दा खेलको छिनोफानो पेनाल्टीबाट लागेको हो । जसमा युनाइटेड ७–६ ले विजयी बन्यो । ब्राइटनका सोली मार्चले गोल गर्न चुके । युनाइटेडका भिक्टर लिन्डेलफले अन्तिममा गोल गर्दै युनाइटेडलाई जित दिलाए ।
अब फाइनलमा म्यान्चेस्टर डर्बी हुने भएको छ । फाइनल खेल जुन ३ मा म्यान्चेस्टर सिटी र म्यान्चेस्टर युनाइटेडबीच वेम्ब्ली स्टेडियममा हुनेछ ।
