काठमाडौं । एसिसी प्रिमियर कपमा युएईका कप्तान मोहम्मद वासिम र वृत्य अरविन्दको विष्फोटक शतकमा सिंगापुरलाई ४ सय ७२ रनको विशाला लक्ष्य दिएको छ ।
टियु क्रिकेट मैदानमा टस जितेर पहिला ब्याटिङ रोजेको युएईले निर्धारित ५० ओभरमा ४ सय ७१ रन बनाउदै अल आउट भयो ।
युएईका वृत्य अरविन्दले १ सय ३३ बलमा १७ चौका र ७ छक्कासहित १ सय ७४ रनको सानदार शतकीय इनिङ खेले । उनी ४८ औं ओभरको तेस्रो बलमा रमेश कलिमुथुको बलमा आउट हुन पुगे । यसअघि कुवेतविरुद्धको खेलमा पनि वृत्यले १ सय ८५ रनको इनिङ खेलेका थिए ।
यस्तै, युएईकाकप्तान मोहम्मद वासिम ८२ बलमा ९ चौका र १६ छक्कासहित १ सय ६० रन बनाए। वासिमले ३४ बलमा अर्धशतक पूरा गरेका थिए भने ६२ बलमा शतक पूरा गरेका थिए । दोस्रो विकेटका लागि वृत्य र वासिमले २ सय ४६ रनको साझेदारी गरेका थिए ।
युएईका युवा ओपनर आर्यन लाक्रा ७ बलमा १२ रनमा आउट भए । रमिज शाहजाद शून्यमा आउट हुँदा आसिफ खान ११ र रोहन मुस्तफा ३ रन बनाएर आउट भए ।
सिंगापुरका आदित्य भर्गवले ८ ओभरमा ८५ रन खर्चेर ४ विकेट लिए भने रमेशले कलिमुथुले ८ ओभरमा ७३ रन खर्चेर ३ विकेट लिए । विनोथ भास्करनले १० ओभरमा ६१ रन खर्चेर २ विकेट लिँदा मनप्रीत सिंहले १ विकेट लिए ।
