काठमाडौँ । संयुक्त अरब इमिरेट्स (यूएई)मा जारी आइसिसी विश्वकप क्रिकेट लिग टू अन्तर्गतको त्रिकोणात्मक सिरिजमा नेपालले खराब सुरुवात गरेको छ ।
पपुवा न्युगिनी (पिएनजी)ले दिएको १८० रनको मध्यम लक्ष्य पछ्याएको नेपालले १७ ओभरमै पाँच विकेट गुमाउन पुगेको हो ।
नेपालका ओपनर कुशल भुर्तेल शून्य रनमै आउट हुन पुग्दा, भरोसामा रहेका कप्तान रोहित पौडेल र आरिफ शेखद्वय १ रनमात्रै बनाउँदै पेभिलियन फर्किएपछि नेपाली टोली दबाबमा परेको छ ।
यस्तै, ३५ बल फेस गरेका भीम सार्की पनि ८ रनमात्रै बनाउँदै आउट भएका छन् । हाल क्रिजमा आशिफ शेख र दिपेन्द्र सिंह ऐरी रहेका छन् । नेपालले ताजा स्थितीमा १९ ओभरमा ५ विकेटको क्षतिमा ५४ रन जोडेको छ ।
