चितवन । जिल्लाको राप्ती नगरपालिका–३ निवासी २३ वर्षीया सुजिता भण्डारीको शव फेला परेको छ । भण्डारीको शव भेटिएपछि पोस्टमार्टमका लागि भरतपुर अस्पताल लैजान खोज्दा स्थानीयवासीले अवरोध गरेका छन्।
प्रहरीले भण्डारीको शव अस्पताल लैजाने क्रममा स्थानीयवासीले नाराबाजी गर्दै पूर्वपश्चिम राजमार्गको राप्ती ३ झुरझुरेमा सडक अवरुद्ध गराएका हुन् । उनीहरुले अनुसन्धान राम्रो नभएको भन्दै घटनाको छानविनको माग गर्दै राजमार्ग अवरुद्ध गराएका हुन्।
अहिले राजमार्ग क्षेत्र तनावग्रस्त छ । आइतबार साँझ स्थानीय ब्रह्मस्थाानी सामुदायिक वनमा उनको शव फेला परेको हो ।
उनी असार ११ गतेदेखि हराइरहेकी थिईन् । असार ११ गते बिहान ६ बजे साथीको घर जाने भनेर हिँडेकी सुजिता सोही दिनदेखि वेपत्ता भएकी थिइन । उनले सोही दिन १२ बजे दिदीलाई फोन गरेर अपहरणमा परेको बताएको परिवारका सदस्यले बताउँदै आएका छन् ।
