काठमाडौँ ।आईसीसी विश्वकप लिग–२ त्रिकोणात्मक ओडिआई सिरिज अन्तर्गत नेपाल र स्कटल्याण्डबीचको खेल जारी छ ।
कीर्तिपुरस्थित टियु क्रिकेट मैदानमा जारी खेलमा नेपाललाई सातौँ सफलता मिलेको छ ।
नेपालका लागि लेग स्पिनर सन्दीप लामिछानेले चार, कुशल मल्ल र करण केसीले एक–एक विकेट लिए भने स्कटल्याण्डका म्याथ्यु क्रस रनआउट हुन पुगे । उनलाई दिपेन्द्र सिंह ऐरीले आउट पारे । दिपेन्द्रले ‘डाइरेक्ट हिट’ पार्दै क्रसलाई आउट पारेका हुन् ।
यो समाचार तयार पार्दासम्म टस हारेर पहिले ब्याटिङमा उत्रिएको स्कटल्याण्ड ३५.२ ओभरमा ७ विकेटको क्षतिमा १७५ रनको अवस्थामा छ ।
