काठमाडौं । नेकपा एमालेका नेता घनश्याम भुसालले वार्तामा खासै प्रगति नभएको बताएका छन् । पार्टीको विवाद समाधान गर्न गठित कार्यदलको बैठक चलिरहेको समयमा अर्थ मन्त्रालयबाट बाहिरिएका नेता भुसालले यस्तो दावि गरेका हुन् ।
कार्यदल बैठक चलिरहेको समयमा बाहिरिएका उनि बैठक स्थलमा प्रवेश गर्दै गर्दा भुसालले वार्तामा खासै प्रगति नभएको बताए । ‘हिजो जहाँ थियो आज पनि त्यही छौं’ भुसालले भने ।
दिउसो माधव नेपालसँग परामर्श गरेका भुसालले कार्यदलको बैठक जारि रहेपनि कुनै प्रगती नभएको बताएका हुन् । विहान सवा ९ बजेदेखि बसिरहेको कार्यदलको बैठकबाट बाहिरिएका अर्थमन्त्री विष्णु पौडेल पनि पुनः बैठक स्थलमा पुगेका छन् ।
कार्यदलको बैठकलाई देखाएर एमाले स्थायी कमिटी बैठक भोलिसम्मको लागि स्थगित गरिएको महासचिव इश्वर पोखरेलले जानकारी गराएका छन् ।
