काठमाडौं । नेकपा एमाले भित्रको अन्तरकलह मिलाउने जिम्मा पाएको कार्यदलले पार्टी भित्रको एकता कायम गर्न सकिने १० बुँदे प्रस्तावमा सहमति जुटाएको छ । एक हप्ता देखि निरन्तर बसेको कार्यदलको बैठकले पार्टीको एकता कायम गर्न २०७५ जेठ २ गतेको केन्द्रिय समिति कायम रहने मुख्य सहमतिको प्रस्ताव गरेको छ ।
यसको साथै सर्वोच्च अदालतले नेकपा खारेज गरि नेकपा एमाले र नेकपा माओबादी केन्द्र बनाए पछि पार्टीको नाममा भएका सबै निर्णय खारेज गर्ने प्रस्तावमा सहमति भएको छ । यसका साथै दुई पार्टी भएपछि नेकपा एमालेमा नै रहेका नेकपामाओबादी केन्द्रका नेताहरु नेपाल कम्युनिष्ट पार्टीमा रहँदाको पद र हैसियतमा रहने गरि प्रस्ताव गरिएको छ ।
यस्तै सर्वोच्चमा विचाराधीन मुद्दालाई अशर गर्ने गरि कुनैपनि क्रियाकलाप वा अभिव्यक्ति नदिने प्रस्ताव पनि १० बुँदे सहमतिमा गरिएको छ । यो सहमतिको प्रस्तावलाइ दुवै शिर्ष नेताहरुलाई दिएर भोलिको स्थाई समितिको बैठकमा पेश गर्ने बताइएको छ ।
बिहान ९ बजे देखि बसेको बैठक लगातार १३ घण्टा बसी १० बजे सकिएको थियो ।
