काठमाडौं । राष्ट्रिय स्वतन्त्र पार्टीबाट डा. तोसिमा कार्की राज्यमन्त्री बन्ने भएकी छन् । ललितपुर ३ बाट प्रतिनिधिसभामा निर्वाचित तोसिमाले स्वास्थ्य राज्यमन्त्रीमा शपथ लिन लागेकी हुन्।
यस्तै, राष्ट्रिय स्वतन्त्र पार्टीले शिक्षा, विज्ञान तथा प्रविधि मन्त्रीमा शिशिर खनाल र श्रम, रोजगार तथा सामाजिक सुरक्षा मन्त्रीमा डोलप्रसाद अर्याल (डिपी) लाई पठाउने भएको छ ।
रास्वपाको सभापति रवि लामिछाने यसअघि नै उपप्रधान तथा गृहमन्त्री बनिसकेका छन्।
