काठमाडौं । आईसीसी विश्वकप लिग टूको त्रिदेशीय सिरिज अन्तर्गत नेपालले स्कटल्याण्डलाई जितका लागि १ सय ३८ रनको लक्ष्य दिएको छ ।
नामिबीयाको युनाईटेड क्रिकेट ग्राउण्डमा भएको खेलमा टस हारेर पहिले ब्याटिङ गरेको नेपालले ४० ओभर १ बलमा अलआउट हुँदै १ सय ३७ बनायो ।
नेपालका लागि गुलसन झाले सर्वाधिक २९ रन बनाए । यस्तै, ज्ञानेन्द्र मल्लले २५ रन बनाए भने अर्जुन साउद १८ तथा कप्तान रोहित पौडेल १७ रन जोडे ।
त्यसैगरी, आरिफ शेखले १० रनमा आउट भए भने बाकिँ ६ ब्याटरले दोहोरो अंकमा रन बनाउन सकेनन् ।
स्कटल्याण्डका क्रिस सोलले उत्कृष्ट खेल प्रर्दशन गरे । सोलले ३ विकेट लिए भने मार्क वाटले २ विकेट लिए । मिचेल लेग्स,ब्राण्डन म्याकमुलेन,सफियान सरिफले समान १र१ विकेट लिए ।
आईसीसी विश्वकप लिग टु अन्तर्गतको त्रिदेशीय सिरिजमा नेपाल, नामिबीया र स्कटल्याण्डको सहभागीता रहेको छ । यस सिरिजमा आज दुबै देशले दोस्रो खेल खेल्न लागेका हुन् । स्कटल्याण्डले पहिलो खेलमा नामिबियालाई पराजित गरेको थियो । नेपालले भने बर्षाले खेल अबरुद्ध भएपछि घरेलु टोली नामिबियासँग अंक बाडेको थियो ।
