तेह्रथुम । तेह्रथुमको छथर गाउँपालिका–१, आङ्दिम वडा कार्यालय (ख) मतदान केन्द्रमा पुनः मतदान हुने भएको छ । प्रतिनिधिसभा र प्रदेशसभा सदस्यको प्रत्यक्षतर्फको मतपत्र साटिएपछि मंगलबार पुनः मतदान हुने भएको हो ।
जिल्लाका राजनीतिक दलका उम्मेदवार, प्रतिनिधि र सरोकारवालासँगको छलफलपछि पुनः मतदान गराउने निर्णय भएको मुख्य निर्वाचन अधिकृतको कार्यालयले जनाएको छ । पुनः मतदानको लागि निर्वाचन आयोगमा पत्र पठाईसकेको छ ।
उक्त मतदान केन्द्रमा खटिएका कर्मचारीले प्रतिनिधिसभाको प्रत्यक्षतर्फको मतपत्रको ठाउमा प्रदेशसभा प्रत्यक्षको र प्रदेशसभाको प्रत्यक्षको मतपत्र दिनुपर्नेमा प्रतिनिधिसभाको प्रत्यक्षको मतपत्र दिएको खुलेको छ ।
त्यस्तै उक्त मतदान केन्द्रबाट ४३ जनाले दोहोरो मतदान गरेको देखिएको छ । यस केन्द्रमा ४५६ जनाले मतदान गरेका थिए ।
