काठमाडौँ । मंसिर ४ मा हुने आसन्न निर्वाचनका लागि ‘लौरो’ अभियानमा रहेकाहरूको हाम्रो नेपाली पार्टीले प्रतिबद्धतापत्र सार्वजनिक गरेको छ ।
प्रतिबद्धतापत्रमा अभियानले अबको विकास दीर्घकालीन निकाशसहित दीर्घकालीन मास्टरप्लान बनाइ १ वर्ष, ५ वर्ष ५० वर्षको योजना बनाएर अघि बढ्ने जनाएको छ ।
यस्तै, सात वटै प्रदेशमा ७ चक्र निर्माण गरी हिमाल, पहाड र तराईलाई जोडेर ७ वटा चक्रपथ तथा अध्यात्मिक मार्ग मनाउने, ७७ जिल्लामा शिक्षा, स्वास्थ्य, कृषि र पर्यटनको अवधारणासहित हरेक सरह र गाउँलाई एक स्वर्गको बगैँचा बनाउने उल्लेख गरेका छन् ।
अभियानले कैलाश पर्वतदेखि स्वर्गद्धारीसम्म जाने बाटो, स्वार्गद्धारीदेखि सगरमाथासम्म स्वर्गको बाटे र सगरमाथादेखि कञ्चनगंगासम्म स्वर्गपछिको बाटोमा केबलकार घोडा र पदमार्ग बनाउने उद्घोष गरेको छ । नुनदेखि सुनसम्म, सियोदेखि रकेटसम्म नेपालमै उत्पादन गरी विश्वबजारमा उत्कृष्ट पहिचान बनाउने घोषणा गरेका छन् ।
सुमन सायमी संयोजक रहेको ‘स्वतन्त्र तथा वैकल्पिक शक्तिको लौरो अभियान’ का उम्मेदवारहरु संगठितरूपमै मंसिर ४ को चुनावी मैदानमा होमिएका छन् ।
lauro ghosana_compressed - Copy
