काठमाडौं । नेपाल राष्ट्रबैकले ९ अर्ब ५४ करोड अमेरिकी डलर सञ्चिति रहेको जनाएको छ । बैकले देशको वर्तमान आर्थिक तथा वित्तीय स्थिति (आर्थिक वर्ष २०७८/७९ को वार्षिक तथ्याङ्कमा आधारित) प्रतिबेदन सार्बजनिक गर्दे उक्त सञ्चिति ६.९४ महिनाको वस्तु तथा सेवा आयात धान्न सक्ने जनाएको छ ।

प्रतिबेदन अनुसार वार्षिक औसत मुद्रास्फीति ६.३२ प्रतिशत रहेको छ । यसैगरी आयात २४.७ प्रतिशतले र निर्यात ४१.७ प्रतिशतले बढेको छ । अघिल्लो वर्ष आयात २८.७ प्रतिशतले र निर्यात ४४.४ प्रतिशतले बढेको केन्द्रीय बैकले जनाएको छ ।

प्रतिबेदन अनुसार विप्रेषण आप्रवाह नेपाली रुपैयाँमा ४.८ प्रतिशत र अमेरिकी डलरमा २.२ प्रतिशतले बढेको छ भने शोधनान्तर स्थिति रु.२५५ अर्ब २६ करोडले घाटामा छ । अघिल्लो वर्ष शोधनान्तर स्थिति रु.१ अर्ब २३ करोडले बचतमा रहेको थियो ।

प्रतिबेदन अनुसार विस्तृत मुद्राप्रदाय ६.८ प्रतिशतले बढेको छ । बैंक तथा वित्तीय संस्थाको निक्षेप संकलन ९.० प्रतिशतले र निजी क्षेत्रमा प्रवाहित कर्जा १३.१ प्रतिशतले बढेको प्रतिबेदनमा उल्लेख छ ।

बैकका अनुसार २०७९ असार मसान्तमा बैंक तथा वित्तीय संस्थाहरुमा रहेको कुल निक्षेप रु.५० खर्ब ८३ अर्ब र निजी क्षेत्रमा प्रवाहित कर्जा रु.४६ खर्ब २१ अर्ब पुगेको छ ।

प्रतिबेदनको पूर्णपाठ

[pdf-embedder url=”https://newspolar.com/wp-content/uploads/2022/08/Current-Macroeconomic-and-Financial-Situation-Nepali-Based-on-Annual-data-of-2078.79-1.pdf”]