काठमाडौं । आज गठबन्धन कार्यदलको बैठक बस्दैछ । आगामी मंसिर ४ गते हुन लागेको प्रतिनिधिसभा र प्रदेशसभाको निर्वाचनका लागि सिट बाँडफाँट गर्न सत्तारुढ गठबन्धनले निर्माण गरेको कार्यदलको दोश्रो बैठक आज बस्ने भएको हो ।
कार्यदलको दोश्रो बैठक प्रधानमन्त्री निवास बालुवाटारमा दिउसो २ बजे बस्ने तय भएको छ ।
नेपाली कांग्रेसका कार्यदल प्रमुख कृष्णप्रसाद सिटौलाको नेतृत्वमा बस्न लागेको बैठकले १ सय ६५ निर्वाचन क्षेत्रमा कुन पार्टीलाई कति सिट दिने भन्ने बारेमा छलफल गर्नेछ ।
कार्यदलमा नेपाली कांग्रेसबाट ३, नेकपा (माओवादी केन्द्र)बाट २, नेकपा (एकीकृत समाजवादी) बाट २, जनता समाजवादी पार्टीबाट २ र राष्ट्रिय जनमोर्चाबाट २ जना सदस्य रहेका छन् ।
