बुटवल । पाल्पामा बस दुर्घटना हुँदा ६ जनाको मृत्यु भएको छ ।
गुल्मीबाट बुटवलतर्फ आउँदै गरेको लु १ ज ५९५२ नम्बरको बस पाल्पाको रिब्दीकोट गाउँपालिका–२ लघुवामा आइतबार बेलुकी करिब ५ बजे दुर्घटना भएको हो ।
३ महिला र ३ पुरुषको घटनास्थलमा नै मृत्यु भएको प्रहरीले जनाएको छ । दुर्घटनामा घाइते भएका १६ जनाको उपचारका लागि तानसेन अस्पताल लगिएको छ । बस सडकबाट डेढ सय मिटर तल खसेको थियो ।
मृतकको सनाखत हुन बाँकी रहेको तथा घाइतेको उद्दार कार्य जारी रहेको प्रहरीले जनाएको छ ।
