काठमाडौँ । साधना लघुवित्त वित्तीय संस्थाले शेयरधनीहरुलाई २६.३२ प्रतिशत लाभांश दिने भएको छ । बिहीबार साँझ बसेको सञ्चालक समितिको बैठकले आव २०७७/७८ को नाफाबाट शेयरधनीहरुलाई २६.३२ प्रतिशत लाभांश दिने भएको हो ।
सञ्चालक समितिले प्रस्ताव गरेको लाभांश राष्ट्र बैंकबाट स्वीकृति र आगामी साधारण सभाबाट पारित भएपछि वितरण गरिने कम्पनी सचिव तथा प्रमुख कार्यकारी अधिकृत रेशम न्यौपानेले जनाएका छन् ।
हाल कायम चुक्ता पूँजीको २५ प्रतिशत ६ करोड ४२ लाख ४५ हजार १ सय रुपियाँ बराबरको बोनस शेयर र १.३२ प्रतिशत अर्थात ३३ लाख ८१ हजार ३ सय २१.०५ रुपियाँ बराबरको नगद लाभांश प्रस्ताव गर्ने निर्णय गरेको छ। कम्पनीको हाल कायम चुक्ता पूँजी २५ करोड ६९ लाख ८० हजार ४ सय रुपियाँ छ ।
