काठमाडौँ । नेकपा (एमाले) ले हालै सम्पन्न स्थानीय तहको निर्वाचनमा निर्वाचित पार्टीका जनप्रतिनिधिहरुको भेलाबाट शुक्रबार ‘काठमाडौँ संकल्प’ जारी गरेको छ ।
पार्टीका सिद्धान्त, नीति र कार्यदिशाबाट निर्देशित हुँदै निर्वाचनमा जारी घोषणापत्रमा र प्रतिबद्धतालाई आधार मानेर निर्वाचनमा अभिव्यक्त जनअभिमत तथा मतदाताहरुले गरेको आशा, अपेक्षा र भरोसालाई केन्द्रविन्दुमा राखेर २० बुँदे संकल्प तयार गरिएको छ ।
संकल्पमा शासक नभई जनताको सेवक हुने, पार्टीको नेतृत्वमा रहेका पालिकाहरु सुशासनका नमूना बन्ने, सदाचारमा नमूना बन्ने, भ्रष्टाचार नगर्ने र भ्रष्टाचारलाई कडाइका साथ नियन्त्रण गर्ने जस्ता संकल्प गरिएको छ ।
