काठमाडौं । नेकपा माओवादी केन्द्रका अध्यक्ष पुष्पकमल दाहालले अमेरिकासँग स्टेट पार्टनरशिप प्रोग्राम (एसपीपी) सम्झौता हुँदैछ भन्ने प्रचार झुटो रहेको बताउनु भएको छ ।
रितवहादुर खड्का स्मृति दिवसका अवसरमा पेरिसडाँडामा आयोजित कार्यक्रममा अध्यक्ष दाहालले भन्नुभयो अमेरिकासँग स्टेट पार्टनरशिप प्रोग्राम ९एसपीपी० सम्झौता कुनै पनि हालतमा हुदैन ।
दाहालले राष्ट्रवादनाममा झुटो प्रचार भइरहेको आरोप लगाउनु भयो । उहाँले भन्नुभयो ‘अहिले राष्ट्रवादको झुटो र पाखण्डी प्रचार हुँदैछ । हिजो जसले आत्मसमर्पण गरेर आज उनीहरु नै एसपीपी हुँदैछ रे भनेर भइनै सक्यो जसरी प्रचार गर्दैछन्,त्याे बिल्कुल झुटो हो । गठबन्धनमा भएको छलफलमा त्यस्तो कुनै सम्झौता भाएको छैन र हुँदैन भनेर प्रधानमन्त्रीले भन्नुभएको छ ।’
अध्यक्ष दाहालले एसपीपीको कार्यन्वयन गर्ने काम गर्ने २०१९ मा केपी ओली सरकारले गरेको समेत दाबी गर्नुभयो । उहाँले भन्नुभयो ‘बरु यो एसपीपी सम्झौता कार्यान्वयन गर्ने सहमति २०१९ मा केपी ओली नेतृत्वको सरकारले गरिसकेको तथ्य इतिहासमा छ । यो कुरा हामी सवैले बुझ्न जरुरी छ।’
