एजेन्सी । संसारमा धेरै खतरनाक नदी र तालहरू छन् । आज हामी एउटा तालको बारेमा बताउन गइरहेका छौँ, जसको बारेमा थाहा पाउँदा तपाई छक्क पर्नुहुनेछ । सन् २०१३ मा यो तालको डरलाग्दो तस्बिर सार्वजनिक भएको थियो ।
वन्यजन्तु फोटोग्राफर निक ब्रान्डले यस तालको तस्बिर खिचे । यी तस्विरहरूमा जनावरहरूको जमेको लाशहरू थिए । यस तालको पानीका कारण जनावरहरू ढुङ्गा बनेका थिए । यी दर्दनाक तस्विरहरु देखेपछि विश्वभरका मानिसहरु छक्क परेका छन् ।
यो खतरनाक र सुन्दर तालको नाम लेक नेट्रोन हो जुन तान्जानियामा अवस्थित छ । आरुषा क्षेत्रको उत्तरी न्गोरंगोरो जिल्लामा अवस्थित नेट्रोन ताललाई साल्ट लेक वा क्षारीय ताल भनिन्छ । यो ताल निकै खतरनाक मानिन्छ । यस तालको सम्पर्कमा आएका प्राणी ढुंगामा परिणत हुने बताइन्छ ।
वास्तवमा नेट्रोन ताललाई वन्यजन्तुको घर पनि मानिन्छ । तर, यस तालको पानीको पीएच मात्रा लगभग १२ छ । यस तालको पानीमा जीव धेरै दिन बाँच्न सक्दैनन् ।
ओल डोइन्यो लेङ्गाई ज्वालामुखीका कारण यस तालको पानी नुनिलो छ । यो ज्वालामुखी संसारकै पहिलो रहेको छ जहाँबाट अनौठो लाभा अर्थात नेट्रोकार्बोनाइट निस्कन्छ । ताल वरपरका पहाडहरूबाट सोडियम कार्बोनेट र अन्य खनिजहरू नेट्रोकार्बोनाइटमा तानेका कारण पानी नुनिलो हुन्छ ।
यस तालको पानीमा पीएचको मात्रा बढी भएका कारण अधिकांश जनावरको छाला र आँखा जल्ने गर्छ । यससँगै लामो समयसम्म पानीमा बस्दा जनावरको मृत्यु हुने गरेको छ ।
फ्लेमिङ्गोको छाला कडा र पातलो भएकाले त्यहाँ पानीको प्रभाव हुँदैन । तर मानिसको छाला नरम हुन्छ । कहिलेकाहीँ यो तालको पानी ६० डिग्री सेल्सियससम्म तातिन्छ । यो तालले तपाईलाई ढुङ्गा नबनाउन सक्छ, तर छालामा यस्तो घाउ बनाउँछ जुन तपाईले कल्पना पनि गर्न सक्नुहुन्न ।
यो तालको पानीमा मान्छे जति लामो समय बस्छ, त्यति नै जल्छ । तर पानीमा पीएचको मात्रा वर्षाको मौसममा फरक हुन्छ । परिस्थिति खराब छ भने मान्छे नराम्ररी जल्न सक्छ । त्यसैले यो ताललाई निकै खतरनाक भनिन्छ ।
