काठमाडौं । नेपाली कांग्रेसका नेता गगन थापाले पार्टीको १४ औं महाधिवेशन कार्यतालिका हेरेफेर गरेकामा असन्तुष्टि जनाएका छन् ।
केन्द्रीय समितिले निर्णय गरेको महाधिवेशन कार्यतालिका कुनै छलफलविना हेरफेर गरिएकामा उनले असन्तुष्टि जनाएका हुन् ।
उनले सामाजिक सञ्जालमाफर्त १३ जिल्लाको वडा अधिवेशनकै टुंगो नभएको भन्दै कहिल्यै विधिमा चल्नु नपर्ने, थितिमा वस्नु नपर्ने, वेथितिको जिम्मा लिनै नपर्ने भन्दै आक्रोश व्यक्त गरेका हुन् । उनले भनेका छन्,
कति सजिलै सर्छ अधिवेशनको मिति !
१३ जिल्लाको वडा अधिवेशनकै टुंगो छैन।कहिल्यै विधिमा चल्नु नपर्ने,थितिमा वस्नु नपर्ने,वेथितिको जिम्मा लिनै नपर्ने।
बस नेताले आदेश दिए पुग्ने,कार्यकर्ता आदेश कुरेर बस्नुपर्ने !
अब नि यस्तो बेहालमा पार्टी चलाइरहने कि बदल्ने ? सोचौं।
