काठमाडौं । आजबाट कक्षा १२ को अन्तिम परिक्षा सकिएको छ । यस वर्षको कक्षा १२ को परिक्षा दिनेमा साधारण विधार्थीहरुमात्र थिएनन् तर नायिका देखी सांसदसम्मले परिक्षा दिएका थिए ।
नायिका करिश्मा मानन्धरले कक्षा १२ को आजको अन्तिम परिक्षा दिँदै सामाजिक सञ्जालमा तस्बिर सार्वजनिक गरेकी हुन् । उनले परिक्षार्थीहरुसंगको तस्बिर सार्वजनिक गर्दै ''विदाई कक्षा १२, सबैलाई स्नातक तहमा भेटौंला'' भने्र लेखेकी छिन् ।
यता नेकपा एमालेकी सांसद सान्ता चौधरीले पनि आफुले कक्षा १२ को परिक्षा दिएर सकाएको सबैमा जानकारी दिएकी छिन् । सांसद चौधरीले पनि सामाजिक सञ्जालमा केही तस्बिरहरु सार्वजनिक गरेकी छिन् ।
उनले ''तस्बिरहरुसंगै जीवनको परिक्षा त बाचुञ्जेल दिनु नै छ। अहिले औपचारिक रुपमा आजबाट कक्षा १२ को परीक्षा साकिएको छ। सबैको शुभेच्छा र मेरो सक्दो मेहनतले राम्रै गरेकी छु। सामाजिक तथा राजनीतिक जीवन र औपचारिक अध्ययन सङ्गै अघि बढाउन पक्कै सजिलो छैन। मलाई शुभकामना दिनुहुने सम्पुर्णमा हार्दिक धन्यवाद दिदै आभार व्यक्त गर्न चाहन्छु।'' भनेकी छिन् ।
