काठमाडौं । नेकपा (एमाले) का अध्यक्ष केपी शर्मा ओलीको गृहनगर दमक नगरपालिकाको मेयरमा राप्रपाले अग्रता हासिल गरेको छ ।
पाँच दलीय सत्ता गठबन्धनसँग मिलेर मेयरमा उम्मेदवारी दिएका राप्रपाका थापाले एमालेकी उम्मेदवार गीता अधिकारीसँग अग्रता कायम गरेका हुन् ।
पछिल्लो मतगणनामा पाँच हजार ५०७ मत गणना हुँदा थापाले दुई हजार ४५० मत ल्याएका छन् भने अधिकारीले दुई हजार ३३२ मत पाएकी छिन् ।
उपमेयरमा नेपाली कांग्रेसकी रेगिना भट्टराईले दुई हजार ३९२ मत ल्याउँदा एमालेकी उम्मेदवार अम्बिका खनालले दुई हजार १९० मत हासिल गरेकी छिन् ।
