डडेलधुरा — नेपाली कांग्रेसका सभापति एवं प्रधानमन्त्री शेरबहादुर देउवाको गृह पालिका गन्यापधुरा गाउँपालिकाको अध्यक्षमा इन्द्रबहादुर कार्की निर्वाचित हुनु भएको छ ।
कार्कीले ३ हजार ३८४ मत प्राप्त गर्नु भएको छ । उहाँका निकटतम प्रतिद्वन्द्वी नेपाली कांग्रेस बीपीका सुरेन्द्र मालीले एक हजार ६०४ मत पाउनु भएको निर्वाचन कार्यालयले जनाएको छ ।
त्यस्तै उपाध्यक्षमा पनि कांग्रेसकै उम्मेदवार ज्ञानुकुमारी सेटी विजयी हुनु भएको छ । उहाँले ३ हजार १३ मत पाउनु भएको छ ।
उहाँकी निकटतम प्रतिद्वन्द्वी नेकपा एमालेका इन्द्र महराले एक हजार ७०३ मत पाउनु भयो ।
तर प्रधानमन्त्री देउवाले मतदान गर्नु भएको वडा नं १ को रुवाखोलाबाट भने कांग्रेसका उम्मेदवार पराजित भएका थिए ।
