वीरेन्द्रनगर । सुर्खेतको सिम्ता गाउँपालिका–१ घोरेटास्थित खनेटामा रहेको भगवती मावि मतदान केन्द्रमा मतदान स्थगित भएको छ ।
स्थानीयले मतदान अधिकृतले तीन वटा मतपत्रमा हस्ताक्षर नगरी दिएको भन्दै अन्य मतपत्र समेत च्यातेपछि शुक्रबार दिउँसो २ बजे मतदान स्थगित भएको हो ।
स्थगित भएको मतदान प्रक्रिया पुनः सुरु गर्न छलफल भएपनि स्थानीय कार्यकर्ताहरुबीच झडपको स्थिती सिर्जना भएपछि मतदान हुन नसकेको हो ।
