सर्लाही । सर्लाहीको बलरा नगरपालिकामा प्रहरीले एक मतदान अधिकृतलाई पक्राउ गरेको छ ।
बलरा–३ स्थित गाविस भवन मतदान केन्द्रमा मत दुरुपयोग गरेको आरोपमा मतदान अधिकृत राजकिशोर साहलाई पक्राउ गरिएको प्रहरीले जनाएको छ ।
उनले मतदाताहरुलाई मतदान गर्न सिकाउँदा चुनाव चिह्न नै देखाएर सिकाएपछि प्रहरीले उनलाई नियन्त्रणमा लिएको हो । अहिले मतदान सुचारु गराउने प्रयास भइरहेको बताइएको छ ।
