• १४ बैशाख २०८१, शुक्रबार
  •      Fri Apr 26 2024
  •   Unicode
Logo
Latest
★   सिद्धगुफालाई पर्यटकीय गन्तव्य बनाइँदै ★   प्रधानमन्त्रीसँग चिनियाँ अन्तराष्ट्रिय विकास सहयोग एजेन्सीका अध्यक्षको शिष्टाचार भेट ★   कीर्तिमानी कोहलीः १० सिजनमा ४०० भन्दा बढी रन बनाउने पहिलो ब्याट्सम्यान ★   आईपीएलमा आज: बलियो कोलकाता र पञ्जाब खेल्दै ★   सालझण्डी–ढोरपाटन सडकमा ढिलासुस्ती ★   न्युरोडबाट एक केजी भन्दा बढि सुन र डेढ करोड रकमसहित ७ जना पक्राउ ★   ‘भाग्यले ठगेको दिन सम्झन चाहन्नन् ऋषि’ ★   एकैदिन एक हजार ४०० ले बढ्यो सुनको मूल्य, कतिमा हुँदैछ कारोबार ? ★   किन बढ्दैछ बन डढेलो ? आगलागी भएमा कसलाई खबर गर्ने ? ★   स्याङ्जाका शिवको लोभलाग्दो ‘ड्रागन फ्रुट’ खेती

नेप्से परिसूचक ५६.०६ अंकले वृद्धि



काठमाडौं । आइतवार देखि निरन्तर रुपमा वृद्धि भएको नेप्से परिसूचक बुधवार पनि उच्च अंकले वृद्धि भएको छ ।

मंगलवार ४४.१६ अंकले वृद्धि भएको नेप्से परिसूचक बुधवार ५६.०६ अंकले बढेर २३६९.०६ विन्दुमा पुगेको छ । त्यस्तै, सेन्सेटिभ इण्डेक्स ९.५२ अंक बढेको छ भने फ्लोट इण्डेक्स ३.९८ अंक र सेन्सेटिभ फ्लोट इण्डेक्स ३.४५ अंकले वृद्धि भएको छ ।

बुधवार कारोबारमा आएका २२९ कम्पनीको ५३ लाख ३३ हजार कित्ता शेयर २ अर्ब १६ करोड ३९ लाख ९० हजार रुपैयाँ बराबरको खरिदबिक्री भएको छ । मंगलवारको तुलनामा बुधवार कारोबार रकममा पनि सुधार भएको छ । मंगलवार १ अर्ब ३५ करोड ६६ लाख ८७ हजार ४६९ रुपैयाँ बराबरको कारोबार भएको थियो ।

नेप्सेका १३ उपसमूह सबैमा हरियाली छाएको छ । बुधवार १३ उपसमूहमध्ये सबैभन्दा बढी जलविद्युत उपसमूहको सूचक सबैभन्दा धेरै ४.९७ प्रतिशतले बढेको छ भने फाइनान्स उपसमूहको ४.३५ प्रतिशत बढेको छ । विकास बैंक, लगानी र माक्रोफाइनान्स उपसमूहको सूचक ३ प्रतिशत भन्दा बढीले बढेको छ । त्यस्तै, निर्जीवन बीमा कम्पनीको सूचक २ प्रतिशत भन्दा बढी भएको छ भने अन्य, जीवन बीमा , बैंकिङ, होटल तथा पर्यटन, उत्पादन तथा प्रशोधन उपसमूहको परिसूचक १ प्रतिशत भन्दाबढीले बढेको छ भने म्यचुयल फण्ड उपसमूहको सूचक ० प्रतिशत भन्दा बढीले बढेको छ ।

बुधबार ९ कम्पनीको शेयर सकारात्मक सर्किट लेभलमा कारोबार भएको छ । जसमा नेशनल हाइड्रोपावर कम्पनी, नेपाल फाइनान्स, सिनर्जी पावर, राधी विद्युत कम्पनी, युनिभर्सल पावर कम्पनी, जाल्पा लघुवित्त, गणपति लघुवित्त र बरुण हाइड्रोपावरको शेयर सकारात्मक सर्किट लेभलमा कारोबार भएको छ । तर यता ७ कम्पनीको शेयर मूल्यमा गिरावट आएको छ ।

कारोबार रकमका आधारमा १० करोड ५९ लाख रुपैयाँ बराबरको शेयर खरिदबिक्री गरेर अरुण भ्याली हाइड्रोपावर शीर्ष स्थानमा रहेको छ । ङादी ग्रुप पावरको ८ करोड ७३ लाख रुपैयाँ बराबरको शेयर किनबेच भएको छ ।