• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ? ★   शौचालयमा मृत भेटिइन् डा प्रतिभा

नेप्से परिसूचक ५६.०६ अंकले वृद्धि



काठमाडौं । आइतवार देखि निरन्तर रुपमा वृद्धि भएको नेप्से परिसूचक बुधवार पनि उच्च अंकले वृद्धि भएको छ ।

मंगलवार ४४.१६ अंकले वृद्धि भएको नेप्से परिसूचक बुधवार ५६.०६ अंकले बढेर २३६९.०६ विन्दुमा पुगेको छ । त्यस्तै, सेन्सेटिभ इण्डेक्स ९.५२ अंक बढेको छ भने फ्लोट इण्डेक्स ३.९८ अंक र सेन्सेटिभ फ्लोट इण्डेक्स ३.४५ अंकले वृद्धि भएको छ ।

बुधवार कारोबारमा आएका २२९ कम्पनीको ५३ लाख ३३ हजार कित्ता शेयर २ अर्ब १६ करोड ३९ लाख ९० हजार रुपैयाँ बराबरको खरिदबिक्री भएको छ । मंगलवारको तुलनामा बुधवार कारोबार रकममा पनि सुधार भएको छ । मंगलवार १ अर्ब ३५ करोड ६६ लाख ८७ हजार ४६९ रुपैयाँ बराबरको कारोबार भएको थियो ।

नेप्सेका १३ उपसमूह सबैमा हरियाली छाएको छ । बुधवार १३ उपसमूहमध्ये सबैभन्दा बढी जलविद्युत उपसमूहको सूचक सबैभन्दा धेरै ४.९७ प्रतिशतले बढेको छ भने फाइनान्स उपसमूहको ४.३५ प्रतिशत बढेको छ । विकास बैंक, लगानी र माक्रोफाइनान्स उपसमूहको सूचक ३ प्रतिशत भन्दा बढीले बढेको छ । त्यस्तै, निर्जीवन बीमा कम्पनीको सूचक २ प्रतिशत भन्दा बढी भएको छ भने अन्य, जीवन बीमा , बैंकिङ, होटल तथा पर्यटन, उत्पादन तथा प्रशोधन उपसमूहको परिसूचक १ प्रतिशत भन्दाबढीले बढेको छ भने म्यचुयल फण्ड उपसमूहको सूचक ० प्रतिशत भन्दा बढीले बढेको छ ।

बुधबार ९ कम्पनीको शेयर सकारात्मक सर्किट लेभलमा कारोबार भएको छ । जसमा नेशनल हाइड्रोपावर कम्पनी, नेपाल फाइनान्स, सिनर्जी पावर, राधी विद्युत कम्पनी, युनिभर्सल पावर कम्पनी, जाल्पा लघुवित्त, गणपति लघुवित्त र बरुण हाइड्रोपावरको शेयर सकारात्मक सर्किट लेभलमा कारोबार भएको छ । तर यता ७ कम्पनीको शेयर मूल्यमा गिरावट आएको छ ।

कारोबार रकमका आधारमा १० करोड ५९ लाख रुपैयाँ बराबरको शेयर खरिदबिक्री गरेर अरुण भ्याली हाइड्रोपावर शीर्ष स्थानमा रहेको छ । ङादी ग्रुप पावरको ८ करोड ७३ लाख रुपैयाँ बराबरको शेयर किनबेच भएको छ ।