काठमाडौं । स्थानीय तह निर्वाचनका लागि आजदेखि ६ दिनसम्मका लागि विद्यालयहरु बन्द हुने भएका छन् ।
वैशाख २८ गतेदेखि ३० गतेसम्म तीन दिन निर्वाचनका लागि , ३१ गते शनिबार र सरकारले जेठ १ गतेदेखि आइतबारको दिन पनि सार्वजनिक विदा दिने निर्णय गरेकाले आइतबार पनि विदा हुनेछ त्यसैगरी जेठ २ गते बुद्ध जयन्ती परेकाले सो दिन पनि सार्वजनिक बिदा हुने भएको छ । त्यसकारण आजबाट ६ दिनसम्म विद्यालयहरु बन्द हुने भएका छन् । सरकारले भने मतदानको दिन ३० गते मात्रै विदा दिने निर्णय गरेको थियो ।
मतदान केन्द्र कायम भएका विद्यालयमा २८ गतेदेखि ३० गतेसम्म तीन दिन बिदा दिन शिक्षा तथा मानव स्रोत विकास केन्द्रले ७७ वटै शिक्षा विकास तथा समन्वय इकाइलाई निर्देशन दिएको थियो ।
सामुदायिक विद्यालयहरुमा मतदान केन्द्र राखिएको, कतिपय शिक्षकहरु निर्वाचनमा खटिएको र कतिपय मतदान गर्न जिल्ला जानुपर्ने भएकोले आजबाट विद्यालयहरु बन्द गरिएको हो ।
सरकारी कार्यालयहरुमा भने निर्वाचनको दिनमा मात्र विदा दिइएको छ ।
