काठमाडौ । अर्घाखाँचीको शीतगंगा नगरपालिका–१० मा वडाध्यक्षका लागि नेकपा (माओवादी केन्द्र) का उम्मेदवारले आफ्नो उम्मेदवारी फिर्ता लिँदै नेकपा (एमाले का उम्मेदवारलाई समर्थन गरेका छन् ।
माओवादी केन्द्रका रवि बेल्बासेले आफ्नो उम्मेदवारी फिर्ता लिएर एमालेका उम्मेदवारलाई समर्थन गरेका हुन् ।
नगरपालिकाको अध्यक्ष पदमा पाँच दलीय गठबन्धन र एमालेबीच प्रतिस्पर्धा हुनेछ । यद्यपि वडा तहमा भने सबै दल एक्लाएक्लै प्रतिस्पर्धामा थिए ।
