भरतपुर । सत्ता गठबन्धनले आज चितवनको भरतपुर महानगरपालिकामा गर्ने संयुक्त आमसभाको मञ्च रहेको स्थान डुबानमा परेपछि अहिले धमाधम पानी फालिदैछ ।
कार्पेटले भुई छोप्ने देखी आमसभा स्थललाई सजाइएका झण्डा, ब्यानरहरु पुन टाग्ने काम भै रहेको छ । रातभर परेको पानीले भरतपुरको हाकिम चोकमा तयार पारेको मञ्च जलमग्न भएको हो ।
सभालाई प्रधानमन्त्री एवं नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल , नेकपा एकीकृत समाजवादीका अध्यक्ष माधवकुमार नेपाललगायतका नेताहरुले सम्बोधन गर्ने कार्यक्रम छ ।
सभालाई सम्बोधन गर्न प्रधानमन्त्री देउवा बुधबार नै चितवन पुग्नुभएको छ ।
