काठमाडौँ । नेपाली कांग्रेसले यही वैशाख ३० गते हुन लागेको स्थानीय तहको निर्वाचनको आसपासमा महाधिवेशन गर्ने तयारीमा रहेका भ्रातृ एवं शुभेच्छुक संस्थाको महाधिवेशन स्थगित गर्न निर्देशन दिएको छ ।
पार्टी कार्यालयका मुख्य सचिव कृष्णप्रसाद पौडेलले जारी गरेको विज्ञप्तिमा स्थानीय निर्वाचनका क्रममा पार्टीका सबै संयन्त्र परिचालन हुनुपर्ने भएकाले भ्रातृ एवं शुभेच्छुक संस्थाका पूर्वनिर्धारित महाधिवेशन स्थगित गर्न पार्टी सभापति शेरबहादुर देउवाले निर्देशन दिनुभएको उल्लेख छ ।
पार्टीको सो निर्देशनले पार्टी मातहतका नेपाल प्रेस युनियन र डेमोक्रेटिक लयर्स एसोसिएसनको महाधिवेशन प्रभावित हुने बताइएको छ ।
