काठमाडौं । गोरखाको सिरानचोक गाउँपालिका–५ मा पर्ने आरुबोटेमा सोमबार साँझ करिब ७ बजे जिप दुर्घटना हुन पुग्यो ।
दुलही लिएर फर्कने क्रममा रोकिराखेको बा१४च ७८१ नंको स्कोपियो जिप भिरबाट खसेर दुर्घटनामा परेको थियो ।
दुर्घटनामा तीन जनाको दुःखद निधन भयो । जसमध्ये निधन भएको भनिएकामध्ये एक व्यक्तिको गलत नाम पर्न गयो ।
उहाँ हुनुहुन्थ्यो गोरखाका कमलराज दानी । उहाँले सामाजिक सञ्जालमै पोस्ट गरेर गलत समाचारको शिकार बन्न पुगेको बताउनुभयो । उहाँले सामाजिक सञ्जालमा लेख्नुभएको छ –
जन्ती चढ्ने क्रममा एक जनाले ह्याण्डब्रेक चलाइदिएका कारण सो दुर्घटना भएको प्रहरीले जनाएको छ । जिप आरुबोटेस्थित फिरफिरे भिरबाट झण्डै २०० मिटर तल खसेको थियो । जिपमा पाँच जना सवार रहेकामा अन्य दुई जनाले भने हामफालेर ज्यान जोगाएको प्रहरीको भनाइ छ ।
