पहिलोपटक यमनको 'गेट अफ हेल' अर्थात् 'नर्कको द्वार' को रहस्य के छ भन्ने पत्ता लगाउन एउटा अध्ययन टोली गुफाभित्र पसेको छ।
प्राकृतिक आश्चर्यका रूपमा लिइँदै आएको यो गुफा करिब ३० मिटर चौडा र ११२ मिटर गहिरो छ। यो गुफा भित्र पस्न अहिलेसम्म कसैले पनि साहस गरेको थिएन ।
स्थानीय मानिस लामो समयदेखि यो गुफाबाट टाढा रहँदै आएका थिए। स्थानीय किंवदन्तीमा त अझ जो गुफामा प्रवेश गर्छ उसले श्राप पाउँछ भन्ने छ ।
सदियौँदेखि यसले 'जीनी' भनिने कुनै पनि इच्छा पूरा गरिदिनसक्ने शक्ति भएको लोककथाको काल्पनिक पात्रलाई आश्रय दिँदै आएको किंवदन्ती रहेको छ।
यमनको गुफा अध्ययन टोलीले गुफामा स्ट्यालग्माइटस(खनिजको तह) र गुफा मुनि मोती फेला पार्यो जुन क्याल्सियम लवणमा वर्षाको तप तप झर्ने पानीबाट बन्छ।
उनीहरूले सर्प र विभिन्न मरेका जनावर पनि फेला पारे। (बीबीसी)
