काठमाडौं । सर्वोच्च अदालतले नेपाल राष्ट्र बैंकका गभर्नर महाप्रसाद अधिकारी माथिको कारवाही यथास्थितिमा राख्नु भन्ने अन्तरिम आदेशलाई निरन्तरता दिएको छ ।
यो पनि पढ्नुहोस – गभर्नर प्रकरणः प्रधानमन्त्रीको काँधमा अर्थमन्त्रीको बन्दुक, निसानामा महाप्रसाद
न्यायाधीश सपना प्रधान मल्ल र टंकबहादुर मोक्तानको इजलासले यसअघि न्यायधीस हरि फूँयालको ईजलासले दिएको अल्पकालीन अन्तरिम आदेशलाई निरन्तरता दिएको हो ।
यो आदेशसँगै गभर्नर अधिकारीलाई सहज रुपमा काम गर्न बाटो खुलेको छ । सरकारले गत चैत्र २४ गते एक जाँचबुझ समिति गठन गरेपछि गभर्नर अधिकारी निलम्बनमा पर्नुभएको थियो ।
