ललितपुर । नेकपा (एमाले)बाट ललितपुर महानगरपालिकाको प्रमुख पदमा हरिकृष्ण व्यञ्जनकार र उपप्रमुखमा उम्मेदवारी दिन लाग्नुभएका मञ्जली शाक्य (आस्था) ले आज बिहान शताब्दी पुरुष सत्यमोहन जोशी तथा बामपन्थी नेताद्वय सिद्धिलाल सिंह र स्नेहलताबाट आशिर्वाद लिनुभएको छ ।
व्यञ्जनकार र शाक्यले निर्वाचन कार्यालयमा उम्मेदवारी मनोनयनका लागि जानुअघि उहाँहरुको निवास गई आशिर्वाद लिनुभएको हो ।
शताब्दी पुरुष जोशी अस्वस्थताका कारण किस्ट अस्पताल भर्नापछि हिजोमात्र डिस्चार्ज हुनुभएको थियो ।
ललितपुर महनगरको प्रमुख पदमा नेपाली कांग्रेसले चिरीबाबु महर्जनलाई उठाउने निर्णय गरेको छ । महर्जन वर्तमान महानगर प्रमुख पनि हुनुहुन्छ ।
